洛格倫主場受讓筍

猪拉多纳

侯城英超為重換晒11個

歐陸連線今季首次同大家見面，今晚歐霸盃有多支俄超同比甲球隊出場，當然由身居比利時嘅俄羅斯人Anton打頭陣；今晚Anton主力推介係比甲中游球隊洛格倫，主場迎戰大輪換嘅英超球隊侯城有信心坐和望贏，洛格倫受讓平半要捧下盤。

（周五凌晨2時30分開賽）

洛格倫以比利時盃得主身份獲得歐霸盃參賽資格，記得兩季前佢哋亦有得踢歐霸盃，但當時基於球會主場未符合歐洲賽參賽條件，所以主場比賽要移師布魯塞爾國家體育場上演，但球會較早前肯落本擴建主場，令佢哋嘅達克納姆體育場可以容納12,000觀眾，可以重新踢番歐洲賽事。洛格倫上次喺自己主場踢歐洲賽已經係2003年歐霸盃，佢哋首圈雖以0比1輸咗畀曼城，但主場氣氛熾熱到不得了，今晚事隔十一年再喺自己主場對戰英超球隊，臨場氣氛當然格外高漲。
雲歷根新星上位

洛格倫對今屆歐霸盃極具野心，教練麥斯揚言可以殺入分組賽，佢哋上周連續買入三名新兵增強實力，其中射手鴨杜拉謙美啱啱喺擊敗利亞斯嘅比甲聯賽，首度登場即取得入球，球隊陣中仲有上季比甲最佳收購雲歷根。洛格倫上季初只花20萬歐元由隆姆聯買入呢位比利時U21中場新星，經過一季超卓表現後，佢已經成為中場領袖，身價估值於一年間暴升30倍，達到600萬歐元，球隊中前場擅長地波配合，麥斯相信佢哋嘅踢法可以克制侯城，主場有信心先下一城。

侯城上季只排英超第十六位，整體踢法以高Ｑ大棍為主，雖然喺英超首輪作客以1比0擊敗昆士柏流浪，不過領隊布魯士講明英超至係首要任務，已將焦點放喺三日後主場對史篤城嘅次輪比賽，今晚作客比利時，所有上仗有份對昆士柏流浪嘅戰將都會得到休息，換言之十一個正選都會換晒，作客又點讓得起士氣如虹嘅洛格倫呢！
Anton 推介

洛格倫下盤

4★

莫斯科戴拿模讓球勝

3★

皇家蘇斯達大

3★

特拉布宗勝

3★