六六精英肩負重任

不死鸟

周日沙田7草3泥10場混合賽事，由於馬圈大紅人韋達與柏寶被罰停賽，楊明綸及黎海榮要坐馬監，加上柏寶策「蓮華生輝」出戰金禧錦標，而杜利萊要養傷，有份量?騎師，根本是買少見少，所以今次準備報名搏殺的馬匹，練馬師一早做好調兵遣將工夫，斷唔會臨急抱佛腳，打天才波咁愚蠢也。
好似大摩馬房現時被方嘉柏追到喘不過氣，上周末明星馬「競駿精英」一條直路殺敗了「絕塵」，取得季內第五捷，目前兩大馬房，頭馬相差僅兩場，餘下還有4次賽事，真係未知鹿死誰手，白德民為了替倉主爭冠軍，在停賽期間都沒有偷懶，為今次復出搏殺做好準備，上周四（6月11日）普通課期，此位摩?主帥竟然破天荒在5時40分趕來，替馬房全面練兵，其中今次角逐三班1400米草地「六六精英」亦在該日由主帥首匹出跳，按韁操了一課800米，直路走過不單止快慢由人，馬身肌肉鐵一般結實，而且氣勢迫人，此匹季內已三捷的六六會團體馬，在爭冠軍重要關頭，被派出戰曾兩勝的田草1200米，顯然要肩負重任，倉主在馬匹跳過終點時候，更撲出欄邊睇衝刺情形，可以說緊張到出晒臉，馬房不替此駒報爭（泥地）港大校友會挑戰盃，明顯是捨難取易。
此外，延遲一周上陣的「締造美麗」如果是本欄捧場客，已知來龍去脈，只要�范ㄣy紙捧場便可以，如果嫌熱門唔夠喉，出爭一班1200米泥地?「電光能源」有希望過埋第三關。「電光能源」跑泥地1200米，實力相當驚人，季內三戰取二勝，落敗一役全因走內欄受困，此匹四歲質新快馬，上次贏完同程安排小休76天再報跑強項，上周五（6月12日）再試泥地1200米大閘，仄到準再決定報名，擺明有晒部署，潘頓是過客性質，肯定鍊盡也。