發達心聲Ａ欄耍家

不死鸟

執筆的時候，未知周日賽果，但方嘉柏要後上壓倒大摩的決心，經已從晨課及報名馬名單看到端倪，每逢這個大倉口強兵列陣，就是大搏殺先兆，可以說屢試不爽，今次谷草季內最後一戰，共有11駒報名，6匹列正選，比起大摩4匹馬報名，3匹列正選，陣容鼎盛得多，其中出爭四班1650米「發達心聲」便有捧場價值，此駒角逐條件限制賽，面對同組未贏過的馬匹，計質態都佔到上風。
「發達心聲」來港兩季跑過6仗，唔講你唔知，無論上季出賽兩次，跑不太合適田草1000或1200米，或今季跑正宗1650米，都有強勁票數支持，最冷亦不過10倍，證明圈內識貨之人相當多，早已吼實此匹與「首飾寶寶」同父之兄弟馬，而且季內4度上陣，在谷草A欄1650米兩度得亞軍，可見是此條跑道及場地專家，上次（5月21日）因休息7個多月，馬房為求穩陣，先安排出戰谷草1200米來熱身，結果後上第六，表現毫不失禮，跑完這一仗後已經滿肚密圈，準備擔當今次馬房爭冠軍的武器，所以在12日內，一口氣跳4課之多，上周四（6月18日）5時30分交湯智傑試一課800米後，本來倉主在烽火台二樓，一直與都爾密斟，但此駒跳入直路，立即見佢撲出欄邊，吼實馬兒衝過終點的勁勢，證明今次披甲上征途，為馬主與本身都要在此重要關頭，替此匹處女馬打開勝利之門了。
精算拍檔態巔峰
黃汝安在本季谷草最後一戰，馬房明顯要部署贏三班1200米這場短途賽，因為「駿飛翔」此匹勇銳迫人路程專家亦名列後備，讓新勝加8分的「精算拍檔」出王牌上陣，練馬師必然經過細心考慮才如斯調兵遣將，看6月15日交鄭雨滇試一課800米勇到溜韁，只要屆時有好檔幫手，可望成為安?今季第13W。