銀河交足貨歎芝華士慶功

猪拉多纳

周日美職壓軸戲碼，美國芝華士迎戰洛杉磯銀河，1.33倍客勝最啱做過關膽。現時喺西岸墊底嘅芝華士，自從7月中聯賽4連勝斷纜後，成績直插谷底，6戰1和5負，最大鑊係近5場波連1球都入唔到。今場洛治希特黃牌夠數坐波監，同埋保卡尼加因為腦震盪避戰，缺少兩員防守悍將，想唔失波都難啦！
銀河3連勝勁入10粒

相反，銀河近況弗到漏油，最近3場聯賽贏晒，夾埋勁入10球，當路雲、羅比堅尼同阿倫哥頓幾名老將，個個老而彌堅交足貨之餘，就連後衞奧馬干沙利斯都唔執輸整番兩粒，今場要趁勢砌低芝華士，可以話係簡單任務。
（日）79 美國芝華士 Vs 洛杉磯銀河