弗賴堡o靚仔「遜」唔過

猪拉多纳

德國球壇近年新星輩出，例如今晚弗賴堡主場對慕遜加柏，弗賴堡件19歲中堅甘普夫上晒位，但同時暴露出弗賴堡兵力不足嘅問題，搞到要喺呢個核心位置兵行險着。慕遜加柏都有23歲中場基拉馬彈起，綜合各方面考量，客軍實力同經驗都唔止高出一班，慕遜小讓平半，撐上盤啦！（有線61、64、201及203周日晚11:30直播）

慕遜麥斯古斯復出

慕遜上季打起咗基拉馬，上場聯賽，慕遜加柏就係靠佢完場前入波搶番1分，可見佢係幾咁重要。慕遜前鋒麥斯古斯受傷3星期後，上星期已經復操，今晚好大機會落場搏殺，有佢孭飛，使驚贏唔到？

主隊弗賴堡上季排尾5護級成功，一手栽培嘅20歲年輕中堅馬菲亞斯真達仲畀多蒙特撬埋，勢估唔到佢哋今季再捧起只得19歲嘅甘普夫，但新人擔正演出不穩，而且弗賴堡大部分都係後生仔，想搵個老大哥提吓場都無，今鋪凶多吉少！

（日）35 弗賴堡 Vs 慕遜加柏
頂占筍盤：慕遜加柏（上盤）