大關刀不容再失

不死鸟

今次賽事為馬季歇暑前倒數第一次，今季冠軍騎師寶座已是韋達囊中物，但近幾次韋達大熱門馬勝出率甚低，尤其停賽前幾匹實力大熱門演出差劣令眾捧場客失望，而今次賽事他停賽復出，又出足11場，而且有多匹係實力份子，希望他發揮應有水準替馬匹勝出，唔好令佢?捧場粉絲失望。近幾次賽事，來來去去都係個幾位騎師贏馬，韋達、柏寶停賽，就輪到潘頓、馬偉昌發威，牌仔方面，就係蔡明紹及梁家俊擔晒大旗，馬圈係現實?地方，跟紅頂白在所難免。今次賽事又係前領?韋達、柏寶、潘頓、及馬偉昌擁有強勁實力座騎，牌仔方面又係蔡明紹同梁家俊，上述數位騎師?座騎均值得優先考慮捧場，而筆者睇好兩匹心水馬，亦係由上述其中?潘頓及梁家俊策騎，現推介給馬友參考。
第六場四班1200米（草地）。「大關刀」上仗拚入第二走勢出色，輸畀狀態大勇?「駿盈」無話可說，可謂雖敗猶榮，再睇回大前仗輸畀頭馬「六六精英」、亞軍「確叻準」而得第三，對手非弱者，反映牠現居四班佔上風，而呢匹係李易達練馬師賽馬團體馬仍未贏馬交代，練者李易達當然要下決心贏馬交代給旗下馬主，上仗臨場票如雨下落飛搏殺，可惜遇伏兵「駿盈」屈居第二無計，既然馬匹近兩戰田草1200米分別得亞季各1，顯見此程合牠發揮，現時態況勇銳敢言是近次最弗一次，試準沿用梁家俊只負111輕磅，藉磅輕態勇路合有利條件，有力補中。
第七場三班2000米（草地）。「同心同德」近兩戰爭田草取得冠季各1，前仗1800米得第三，而上仗增程跑2000米取勝，顯見牠成熟後越長越好，而此駒上仗勝後，操練依然積極，除快跳打磨外，更安排試1200米泥地大閘，六駒走位6 6 1，末段撲上來?走勁強勁令人咋舌，呢課泥閘考驗，反映其狀態處大勇之境，練者蘇保羅時至季尾仍做咁辣工夫，擺明決心求連捷，今次再爭勝途，沿用贏馬功臣潘頓操刀，再下一城無難度。