實業飛駒趕尾班車

不死鸟

第七場三班2000米（草地）。「實業飛駒」季初不斷入三至六名，原因狀態始終未復最佳水準，季中索性久休3個月重整陣容，上仗復出第二仗跑同程恢復走勢，自此收埋個月秘密練兵，今次重遊勝途有韋達唔用寧配勞愛德更似樣，按目前評分比首捷時僅高出2分，有望趕上尾班車。
「家家興旺」季中重啟勝門後表現不斷進步，上次讓12磅下先「同心同德」個半馬位，今回只讓6磅而易配柏寶仍有優勢，血統有長力，結合幕後作風鮮明，是前駒頭號勁敵。「卓爾不凡」班底雄厚，大前仗2400米皇太后盃已經後追第四，今次用梁家俊掛頭牌實際只負中磅，同主馬「金鑾殿」已退役，大摩必部署為此馬勝回一仗。「錢程萬里」評分已有壓力，勝在大勇而跑法主動，配腳看待。
第九場三班1200米（泥地）。「連利精英」上次輸畀再出再贏的「締造美麗」無計，這次刻意報泥地，根據血統父系為美國馬，加上季初試兩次泥閘都掄元，反映泥地肯定可勝任，對手比上賽整體弱，有權取得季內第四捷。