意大利食「橙」主W咪走雞

猪拉多纳

「巴神」落選 射手爭上位

今晚咁多場熱身賽當中，除咗「法西戰」之外，當然要數到意大利主場鬥荷蘭最有睇頭。呢兩支歐洲勁旅今仗分別由新帥干地同希丁克領軍，前者近年稱霸意甲，熟晒「藍衫軍」套路，遇上鋒線乏力嘅荷蘭，2.3倍主勝抵玩。

（開賽時間：周五凌晨2:45）
尹佩斯態沉 荷蘭鬧前鋒荒

前意大利領隊柏蘭迪利喺世盃後辭職，意國足總火速搵嚟干地領軍。呢位前祖雲達斯教頭對上3季幫「斑馬兵團」完成3連霸偉業，唔單止展現深厚功力，干地亦熟晒意大利班戰將底細，對點兵當然更加有利。而且箭頭恩莫比尼、艾沙拉維、迪斯度要趁住巴洛迪利落選爭上位，今晚點到佢哋唔搏？

至於同樣換帥嘅荷蘭就由名牌領隊希丁克執教鞭，雖然希帥功力唔使懷疑，可惜「橙軍」今場鬧前鋒荒，其中洛賓因傷落選，箭頭亨特拉爾更加冇份入選，想靠開季至今冇場好波嘅曼聯射手尹佩斯破門，似乎難咗啲囉！