彼德堡爭升班唔係得個港字

猪拉多纳

英甲榜首彼德堡為求重返英冠，今季已「放棄」兩大本土盃賽，一於專注聯賽爭升班，決心可謂非常之大。射手基爾華素爾狀態弗到爆，英甲踢咗5場已經轟入4球，今仗主場對防線穿晒窿嘅維爾港，主W1.68倍應該手到拿來，甚至可直取2.92倍讓球主勝。

（周六晚10時開賽）
放棄盃仔專心聯賽

彼德堡近年徘徊喺英甲同英冠之間，上季獲得升班附加賽資格，可惜功虧一簣。今季捲土重來表現對辦，暫時5戰取得4勝排喺榜首，值得留意佢哋出戰英聯盃及英錦標，同樣第一圈分別被乙組仔樸茨茅夫及甲組弱隊奧連特淘汰，反映佢哋寧願專心聯賽全力爭升班，今仗遇上魚腩維爾港，冇理由甩拖。維爾港近況直插谷底，主場都3連敗，失咗7球，輸到信心盡失，恐怕短期內難以翻身。