學生隊主場格殺令

猪拉多纳

今個禮拜雖然踢國際賽，但阿甲如常舉行，其中啱啱踢完南球盃嘅學生隊將回師主場對貝格拉諾。學生隊主場表現一向有保證，相反貝格拉諾作客戰績麻麻，而且成日「啞火」，今仗面對學生隊相信凶多吉少。

（周日清晨5時10分開賽）
貝格拉諾作客腳軟

學生隊剛喺南球盃次圈首回合作客打和甘拿斯亞，雖然下周中要踢次回合，但球隊主場表現一向有保證，今季聯賽兩度主場出擊皆錄得全勝，球隊最近有好消息，後衞干尼傷愈重返大軍，今仗贏波機會甚高。

貝格拉諾作客戰績麻麻，球隊近9次客戰未嘗一勝，而且當中6場仲要冇波入，擺明作客唔識入波，咁又點會識贏波，今仗都係捧有主場之利嘅學生隊。