衞冕首擊西班牙狂炸馬其頓

猪拉多纳

今晚歐國盃外圍賽C組，上屆盟主西班牙展開衞冕之路，坐鎮主場迎戰馬其頓。好多人都話「鬥牛王朝」已經沒落，上周中熱身賽更係8年來首次輸畀法國，仲有弗爆射手迪亞高哥斯達因傷退隊，今仗唔使預佢。不過「迪哥」屬反擊型前鋒，與注重小組入滲嘅Tiki Taka踢法格格不入，因此斯維認為佢缺陣影響唔大，反而讓主帥迪保斯基再用無鋒陣。
讓兩球冇有怕

始終「鬥牛國」最強之處係中場，特別係沙維同沙比阿朗素退出國家隊，恩尼斯達今仗亦會倦勤，令一直屈居上述一班「大佬」之下嘅法比加斯、辛迪卡索拉同新星佐治高基等迎來上位良機，而今仗喺自己地頭對住烏合之眾馬其頓，仲唔搏甩髀冧迪帥咩？讓球主客和西班牙讓到兩球都冇有怕，照撐讓球主勝。

(有線62及202台周二凌晨2時45分直播)