車仔天鵝榜首細戰

猪拉多纳

(六)25 車路士 Vs 史雲斯

今晚英超除咗頭場阿仙奴惡戰曼城夠矚目，10點開波仲有場榜首大戰車路士主場鬥「天鵝」史雲斯。車路士雖然3戰全勝，不過上次對愛華頓防線竟然失3球，激到領隊莫連奴紮紮跳，預計一班後防球員今次會打醒十二分精神。史雲斯同樣3戰得9分，而且英聯盃第2圈亦順利淘汰洛達咸，狀態弗到漏，可惜佢哋自從喺11/12球季升上英超以來，連盃賽在內8次交手只贏過車路士1次，如果單計聯賽更只得2和4負，往績輸蝕，想搶分唔容易。
近8對賽7開「細盤」

考慮到車路士下周要應付首輪歐聯分組賽，而且過去8次對賽有7次總入球都在兩球或以下，今場主W熱至1.2倍冇肉內食，不如捧細盤好過。

（now 621周六晚10時直播）