柏林聯瓣瓣曳 海登咸贏得

猪拉多纳

海登咸今季升上德乙，踢得有板有眼，即使面對實力分子1860慕尼黑、卡爾斯魯厄，亦唔輸蝕，今輪主場對柏林聯，仲要讓波，可見莊家甚為睇好海登咸。柏林聯戰績不濟、人腳不整，情況認真危危乎，簡單要1.9倍主勝。

（周日晚7時30分開賽）

海登咸聯賽4戰有1勝2和1負，當中對手不乏爭升班份子，獲得德國傳媒好評，對球隊信心肯定有鼓舞作用。加上前鋒莫拉比特今仗復出，更添贏波本錢。反觀柏林聯仲未開齋，中場馬田杜治、後衞添美爾今場停賽。隊長馬圖舒卡早前已經離隊，柏林聯更加難翻身。