阿仙奴贏先至係爆冷

猪拉多纳

對於做咗體育工作40載嘅Peter嚟講，早已對周末周日冇乜知覺，因為好多體育及足球賽事經常於周末進行，所以都要工作冇假放，但Peter卻樂在其中。今周香港體育迷分外興奮，唔單止有歐洲各大聯賽，仲有啱啱開幕嘅亞運，睇到一眾中國及香港健兒嘅精湛演出梗係開心啦！
林拔步入收成期

講番今晚英超重頭戲，阿士東維拉主場迎戰阿仙奴。維拉喺主帥林拔帶領下步入收成期，今季採取緊迫打法常搞到對手亂晒龍，翼鋒艾邦拉荷亦鹹魚翻生，上仗作客利物浦更一箭定江山，令人眼前一亮。

相反阿仙奴未如人意，雖然簽入阿歷斯山齊士、迪保治、韋碧克等強援，但呢班新兵明顯需要時間適應，原有嘅奧斯爾、辛迪卡索拉受到世盃後遺症影響，演出一般，況且啱啱喺歐聯作客0比2不敵多蒙特，士氣低沉，今仗作客維拉冇本錢讓波。既然盤口咁筍，維拉可謂坐和望贏，若果阿仙奴贏就爆冷才是真。

金句：食得鹹魚抵得渴，樂得過沒有周末的日子

生好

(⊙o⊙)哦