精算拍檔前景看俏

不死鸟

練馬師黃汝安上季得12場頭馬，亞軍得7場，季軍得16場，嚴格來講係未達馬會指定13場續牌條件，但下季依然再發牌畀佢，但口頭有附帶條件，就係今季頭馬成績要令發牌小組滿意，但筆者對黃汝安今季獲得超越13場頭馬甚具信心，原因是他獲得細黑何敬森擔當他?房副練，而前日洪國興亦獲准加入安?為第二副練。筆者所認識的細黑，素來在晨課仄馬有一手，而且他亦有一批對其信任的馬主，細黑及洪國興過檔黃汝安做副練，亦帶埋一批實力馬加盟安?，在馬房壯大兵源，再加上有細黑仄準馬出擊，洪國興對外招呼馬主，優勢條件明顯畀過往為佳，所以睇好安?來季頭馬成績會上升便是此因由。
安廐目前有46匹，比起上季得廿零匹有天淵之別，而上季所獲取12場頭馬，大部份倚賴「神駒」系，當中7場頭馬就係來自「雪山神駒」三場、「孖寶神駒」兩場、「勇猛神駒」兩場。 另外「萬里駒」兩場、「駿飛翔」、「好芝味」及「精算拍檔」（上圖）各勝一場。上述數駒來季依然會有頭馬交出，當中「精算拍檔」起碼有兩Ｗ在手，此駒上季於谷草1200米贏馬，全程快放締造上佳時速直領到底贏來有餘末盡，睇過呢仗出色表現，顯見牠里程未盡仍有上升空間，前景看俏來季在三班跑回谷草1200米，再取一至兩場頭馬無難度。