伊拉克夠料 閃擊科威特

猪拉多纳

技壓日本顯爭金實力

男子亞運足球D組今日上演最後一輪分組賽，伊拉克男亞足上輪擊敗熱門之一日本男亞足盡顯爭金實力，科威特男亞足形勢上要焗攻相信只會輸得更快，熱捧1.48倍客W之餘，1.95倍半場客勝亦可支持。

（有線61及201台周日下午1時直播）

波童喺上場伊拉克對日本前已提過，呢支以去年U22亞洲盃冠軍班底為骨幹嘅伊拉克喺今屆亞運絕對擁有問鼎金牌嘅實力，果然上輪分組賽以三比一技術性擊倒賽前被視為金牌大熱之一嘅日本隊，當中表現最搶鏡一定係梅開二度、踢法充滿加里夫巴利影子嘅阿里阿丹。

雖然伊拉克今場和波已足以取得小組首名晉級，不過由於同一時間舉行嘅日本應可輕鬆大勝尼泊爾，假若伊拉克不敵科威特，便會出現三隊同得六分嘅局面，到時將要計算三隊得失球差去決定出線權誰屬，形勢上伊拉克仲有出局危機，既然球隊有足夠實力贏波，而且班底又Run得咁順，實冇必要喺今仗刻意放軟手腳。
科威特防線漏洞多

剛才提過日本如無意外可以擊敗尼泊爾，故此科威特想出線，今場必需贏波先有價講，但從首仗對日本所見，佢哋防線存在不少漏洞，上輪能夠大勝尼泊爾，亦全因對手比賽末段體力不繼所致，無論攻守科威特實在難和狀態大勇嘅伊拉克相比，1.48倍客W勝在穩陣。
靈感女神莎拉是日亞足金「據」

(日)1 科威特男亞足Vs伊拉克男亞足

科威特和波都有可能出局

(日)2 馬來西亞男亞足Vs沙特阿拉伯男亞足

雙方同得3分贏波直接出線

(日)3 巴勒斯坦男亞足Vs新加坡男亞足

巴勒斯坦已經鎖定出線資格