中國爭出線唔揸流坦

猪拉多纳

足協主席親自督師！

仁川亞運足球賽分組賽進入戲肉，中國男亞足喺F組對巴基斯坦男亞足，要爭出線形勢上非勝不可，而且中國足協主席蔡振華已放風會現場督師，避免分組賽出局慘劇發生，咁大陣仗，梗係要捧1.43倍中國男亞足「讓球主勝」。

（有線61及201周一晚7:00直播）

中國男亞足首戰淨吞北韓男亞足3蛋，認真羞家！賽後更引發網民罵戰，有人覺得佢哋踢得衰，畀人鬧係應份，又有人覺得冇謂踩太盡，但無論點，今場中國男亞足嘅形勢好簡單，打沉對手就可以次名出線，就算牌面唔算強，所謂陣中唯一歐洲外流球員，効力葡萄牙乙組球會馬夫拉嘅後衞韓鵬飛暫時根本冇得踢，今場都肯定會踩行油開W。
贏波可次名出線

不過中國男亞足首戰輸得咁肉酸，贏1粒真係好難平息眾怒，更何況，傳聞中國足協主席蔡振華會親自到場督師，試問呢班後生仔點敢揸流攤？而且巴基斯坦男亞足有前鋒文蘇亞卡漢停賽，隊中外流球員又只係効力吉爾吉斯球會，實力點都低一班。就算對中國足球死心，都要畀面昔日帶領國乒橫掃全世界嘅蔡指導，球員呢場點都搏到盡啦。
「靈感女神」莎拉提醒你：中國男亞足要爭出線，今仗非勝不可。