|
|
美職常規賽殺入最後直路，每支球隊仲有5至6場波去爭逐季後賽資格，上個月表現大跌Watt嘅肯薩斯體育會強勢回歸，連埋中冠盃近三仗均取得大勝，今場會喺主場迎戰新英倫革命，主勝值得捧場。
（TVB 301周六早上8時直播）
講星味，肯薩斯體育會當然唔及擁有亨利嘅紐約紅牛或者有羅比堅尼同當路雲拍住上嘅洛杉磯銀河，同人講肯薩斯體育會嘅主力前鋒叫做當姆戴亞，應該好多人都唔知佢係乜水，不過其實一支球隊有星級球員都唔代表會有好成績，大家睇吓英超名牌曼聯就知喇！肯薩斯體育會就係勝在實而不華，踢整體足球，喺經歷咗八月尾九頭初嘅小低潮後，球隊近期無論狀態信心都返晒嚟，近三場共入十球，前面有當姆戴亞頻頻入波，後面亦有門將卡朗貝治傷愈復出，作客例牌腳軟嘅新英倫革命今場和都偷笑呀，捧主勝喇﹗
勒哈弗爾嗒私房菜
至於法乙方面，榜首嘅迪安將要作客勒哈弗爾，迪安對賽往績輸蝕，近六次交手未嘗一勝，勒哈弗爾讓平半，上盤可以一博。最後拉瓦勒主場對南錫，南錫前鋒馬拿丹比利近兩仗共入6球，狀態弗到漏油，不過拉瓦勒亦有射手比卡文加同中場哈辛艾拉頻頻入波，今場一於捧大﹗ |
|
金睛卡
发表于 2014-9-26 13:16
变色卡
显身卡