默郡北倫敦打吡打甩髀

猪拉多纳

今晚英超爆發兩大打吡戰，當中以默西塞德郡打吡最為注目，一來係早場，二來傳統上利物浦出戰愛華頓永遠都係打甩髀。雙方近況都不佳，「紅軍」表現太飄忽，「拖肥糖」有幾場波踢得好但搶唔到分，雖然前者有主場之利，但面對實而不華嘅愛華頓未必佔到甜頭，近年「紅軍」始終缺少一名主力防中，經常將攻強守弱嘅隊長謝拉特拉後踢呢個位，實在楚才晉用，上季就話專心踢聯賽啫，今季連同歐聯要應付多條戰線，又冇埋「咬人蘇」蘇亞雷斯，愛華頓作客唔赦呢支冇晒霸氣嘅同市死敵，今仗應該會殺得難分難解，況且兩軍都防守不穩，Peter認為入球會偏高。
「歐聯後顧」考雲格

尾場北倫敦打吡阿仙奴主場迎戰熱刺，亦會係勢均力敵。由於阿仙奴下周中有歐聯後顧，預計主帥雲格排陣會大傷腦筋，會否顧此失彼，將成為勝負關鍵，好彩在今夏世盃搏到盡嘅阿歷斯山齊士及奧斯爾近期表現漸入佳境，Peter相信阿仙奴會稍佔上風。
金句：默西賽德郡打吡，贏輸和都會打甩髀