金銀滿屋前景憂慮

不死鸟

梁定華不單止請英國騎師都爾做主帥，近呢一、兩季亦引入唔少英愛PP，不過成績真係彈多過讚，甚麼「精英財星」、「威威財星」響表列賽跑過位置，實際來港前用得頗盡，反而「穿針引線」外地只跑過4場，去季埋單計數得1W3P，總算?三班泥地範疇搵到食。
假如用以上評審準則，本文主角K140「金銀滿屋」（圖），響愛爾蘭上陣8次只獲1亞1季，只係跑一些處女馬或3歲馬讓賽，來港最低消費評6字頭，分數肯定嫌高，最折衷方法減分籌備落四班，但大前提係搞番好個身子，其實匹馬與?侶「浚鋒天河」、「消費王」同機抵港，奈何落地後健康一直有唔妥，操�型＋校�連大閘都未試過，前景令人憂慮。
血統方面，老豆VAL ROYAL響原產地法國及美國先後共7捷，最高成就係勇奪育馬者盃一哩大賽，02年開始轉作配種，最佳子嗣為07年英愛二千堅尼的雙料冠軍盟主COCKNEY REBEL，「帝聖豪駒」和「寶再威」則是其在澳洲所生子嗣，綜合而論，一哩以下為此系馬射程範圍。