伊拉克4強爆北韓

猪拉多纳

亞運男足上演兩場準決賽，四支球隊喺今屆賽事同樣保持全勝佳績，實力旗鼓相當。頭場伊拉克對北韓，伊拉克喺晉級過程場場至少入三球，憑強大攻力相信可在法定時間贏波殺入決賽，伊拉克小讓平半捧上盤。

（有線61及201台周二下午4時直播）

伊拉克今屆晉級過程可謂充滿說服力，除咗曾經擊敗上屆金牌得主日本之外，而且每場賽事至少攻入對手三球或以上，合共射入十七球，進攻火力有保證。老將尤尼斯上圈對沙特阿拉伯梅開二度盡顯卡士，來到淘汰賽關鍵時刻發揮領軍作用，加上有「伊拉克加里夫巴利」之稱嘅阿里阿丹擅於邊路發難，真正做到全方位進攻。

相比之下北韓雖然同樣四戰全勝，但對手只係中國、巴基斯坦、印尼之流，實力未受考驗，上場八強對住較強嘅阿聯酋，結果要苦戰至補時三分鐘，才靠首席前鋒鄭日冠一箭定江山險勝一比○晉級，踢法比較單調，未必可抵擋伊拉克強攻，伊拉克小讓平半建議捧上盤。
南韓心雄狙擊泰國

另一場四強由東道主南韓鬥泰國，泰國進攻鐵三角卡拉桑、中場桑卡拉辛及泰維卡恩喺今屆比賽已入十一球，助球隊繼90、98及02年後再次進身準決賽，可惜佢哋過去三次均在四強止步，甚至喺之後嘅季軍戰都冇贏過，今次遇上剛剛殺退強敵日本、愈踢愈有信心嘅東道主南韓，要打破四強魔咒唔容易，預計南韓可小勝晉級。

（有線61及201台周二晚7時直播）
靈感女神莎拉是日亞足金「據」

(二)1 伊拉克男亞足 Vs 北韓男亞足：伊拉克今屆每場比賽最少入3球

(二)2 南韓男亞足 Vs 泰國男亞足：南韓今屆亞運仍然未失過波