盧多格德斯博洗底做大騷

猪拉多纳

近年講起東歐波，無論莊家或者投X者都聞風色變，皆因太多假波，保加利亞亦曾經係重災區，講到尾都係由於球員待遇低，易被收買。不過，隨住不斷揭發案件，有關方面都唔敢再咁猖狂，今屆歐聯B組保加利亞球隊盧多格德斯大踢爭氣波，幾乎令利物浦失分，既正氣又有勇氣。今輪主場對皇家馬德里，唔怕同對手搏錘，中位數3.5球，照要大盤。

（周四凌晨2時45分開賽）

盧多格德斯上輪對利物浦，補時一度扳平，但之後卻被判罰12碼，僅敗1比2，好大程度上輸經驗，先至會喺最後關頭犯錯。不過呢場波已令佢吔贏盡口碑，刺激球迷今仗入場支持。盧軍只屬歐聯新丁，唔會計算爭標機會，只求每場踢好波，吸引媒體注意，趁機搵更多贊助收入。遇上名牌皇馬，只要入到波，已足以引起廣大回響，相信盧軍唔會死守。
奧林比作客難靠捧番馬模

皇馬攻力強橫已經毋須多講，但防線始終令人難以放心，尤其係對弱隊，相信會壓得更前，失波機會都唔細。不過，即使皇馬今場失波，亦夠本錢入多幾球抵數，問題係讓到兩球半，上盤唔抵玩，建議揀入球大。另外，奧林比亞高斯雖然上輪爆冷擊敗馬體會，但希臘球隊作客一向好曳，今仗去瑞典對馬模，竟然讓半一，實在太過火，揀馬模下盤。