谷草1200利熱門

不死鸟

快活谷1200米形勢比1000米平均得多，成績最好騎師當然又係韋達，總共贏過11W，但其實勝出率只得17%，而上名率亦只不過係39%，按照此位仁兄平均成績計，實在偏少。就以上季12月才上陣?蔡明紹，雖然谷草1200米頭馬不及韋達，但上陣半年經已響呢項路程跑過24次，摘下5冠2亞2季，上名率為38%拍住冠軍騎師韋達，而且此項路程5匹頭馬，分別係葉?「八運寶」兩W、霍?「揀得準」、胡?「紅褲子」及石?「金百利」，由此可見此子線路廣闊，得到極多馬房支持。
唔講你唔知，翻查上季快活谷1200米頭馬紀錄，結果發現此項路程共進行過79次，熱門馬成績較佳，10倍以內共有65W，超過10倍以上只得14W，去到20倍以上贏馬?已經大幅減少至4駒，頭馬分別係方?「海之宏」23倍、蘇?「源活海」39倍、「奇蹟」25倍與及「寶利多」32倍，反映上季這項路程不太利冷門。