阿甲超級打吡做大騷

猪拉多纳

阿根廷爆發超級打吡！阿甲唯一不敗之師河床聽朝將會喺主場惡鬥小保加。呢兩支南美名牌球隊非常重視今次交鋒，仲特登整埋件紀念波衫，梗係想剝埋對手棚牙攞威啦，強強對碰一於捧2.2倍入球大。

（開賽時間：周一凌晨4:15）
出紀念版波衫隆重其事

今場河床對小保加嘅阿根廷超級打吡，兩隊為隆重其事，決定學足阿根廷國家隊喺世盃決賽鬥德國一樣，喺波衫繡上「世界經典5/10/2014利伯堤球場」，營造經典戰役氣氛。睇番兩軍近8戰場場有波入，火力夠晒穩定，一於博佢哋做番場大騷捧2.2倍入球大。