年年盈利85分嫌高

不死鸟

今時今日交通發達，唔好話人飛來飛去，馬一樣可以，很多種馬都南北穿梭配種，今日?主角K262「年年盈利」，雖是英國通胡森?家鄉貨，但個種Reset係過埠澳洲馬，2003至2004年當時3歲跑5場全勝，包括未來錦標（1400米）和維省堅尼（1600米），由列高力一手主理，可是這顆彗星成名快也退得快，隨即被油王收歸其名下Darley牧場，也曾被送到歐洲基地打種。
「年年盈利」正是Reset英國所生?仔，果然遺傳良好的短途基因，由「小大衛」練馬師梅衡訓練，響當地上陣3次除?首仗落第，餘下兩場分獲冠季，贏馬一役於戴圖理胯下，之後跑兩歲馬表列賽，22駒競逐輸頭位得第三，兩場均為直路1200米。不過要重申一點，英國兩歲馬水準其實很參差，「年年盈利」上年10月於列卡馬場表列賽入位，而並非夏天上演的新市場七月盃或皇家雅士谷等大賽檔期，水準實在有斟酌之處，來港評85分或受到考驗，新季上陣都係睇定先。