西班牙挽面子圍剿盧森堡

猪拉多纳

植入車仔進攻模式

呢個Moment，西班牙要爆啦！「鬥牛兵團」經歷巴西世盃嘅災難性演出之後，歐國盃衞冕之路亦都有阻滯，上輪喺外圍賽倒灶輸畀斯洛伐克，全隊上下咩面都冇晒！適逢今晚對手係C組最弱雞嗰隊盧森堡，迪亞高哥斯達仲唔開齋等幾時？相信由佢同法比加斯合組嘅「藍牛孖寶」係時候嚟料，就算讓到3球，都照捧2.18倍「讓客」！（有線61及201周一凌晨2:45直播）
民調籲踢走聖卡斯 哥斯達

西班牙上周中輸畀斯洛伐克1:2，14場外圍賽作客贏波走勢斷纜，領隊迪保斯基坦承「鬥牛兵團」正值過渡期，但有信心班波會盡快重上軌道。西班牙《馬卡報》尋日公布咗項民意調查，超過8成球迷要求今仗由曼聯門將迪基亞取代卡斯拿斯把關，《阿斯報》嘅「你最希望正選名單」調查入面，上仗孭鑊累輸波嘅「聖卡斯」同前鋒迪亞高哥斯達更加冇碇企，不過迪保斯基就擺明死攬兩位愛將，話會繼續信任佢兩個，大佬咁撐，今鋪點計都要做齣好戲。

新季英超9戰入9球，但偏偏為西班牙披甲6次都仲未開齋嘅迪亞高哥斯達，賽前已經向迪保斯基反映踢法問題，話希望將車路士嗰套攻擊模式「移植」到國家隊，如果佢同法比加斯真係能夠發揮番喺「藍戰士」嘅化學作用，呢鋪盧森堡肯定渣都冇得剩。
盧森堡主帥講明唔死守

睇好西班牙今鋪反彈，畢竟盧森堡堅係弱雞，上輪外圍賽鬥馬其頓都要失3粒，你話「迪哥」今晚唔開齋仲等幾時？睇埋往績，雙方歷來4次交鋒，盧森堡都輸晒，前國腳兼現任領隊Luc Holtz賽前竟然話唔會死守，唔識死隨時輸得仲甘！

C組
盤路解碼

鬥牛兵近8仗「讓球主客和」

錄得2勝2和4負