意鋒將腳頭無靈宜吼細盤

猪拉多纳

H組意大利作客馬爾他，意軍兩位前鋒恩莫比尼同施蒙尼沙薩腳頭無靈，後者有輕傷在身，領隊干地今仗或更改鋒線組合。不過代替人選迪斯度、基奧雲高、加斯安奴柏利皆屬於邊緣國腳，默契不足。加上意大利傳統上唔會大炒對手，預料小勝居多，1.05倍客W冇投X價值，讓球主客和「-2」制唔過，博2.4倍入球細。

（有線62及202台周二凌晨2時45分直播）
馬爾他反擊乏力

意大利上仗靠後衞基亞連尼入兩球，先至險勝魚腩阿塞拜疆，中前場球員埋門把握力強差人意。既然今場對手馬爾他實力亦弱，干地應會趁機試用新人，所以唔好期望意軍會大勝。馬爾他近5仗都食白果，欠缺反擊力。值得一提，雙方上屆世盃外圍賽兩次交手，意大利都係小勝2比0，細盤好分頭值得再追。