革命夠戰意狙擊戴拿模

猪拉多纳

美職常規賽仲有兩輪就煞科，東、西兩岸頭四名共八支球隊已經穩奪季後賽資格，當中包括明早登場嘅新英倫革命，佢哋現時要爭取較高排名直入東岸準決賽，作客面對已無緣出線嘅侯斯頓戴拿模戰意十足，平手盤捧客軍。

（周五早上8時開賽‧馬會網上文字直播）

美職賽制規定東、西兩岸頭五名可以拎到季後賽資格，但當中排名第四、第五位嘅球隊先要進行一場資格賽，勝方先可進身準決賽，目前排東岸第二嘅新英倫革命雖已經穩奪季後賽資格，但只係比第四位嘅紐約紅牛多兩分，如果想保留體力、唔想踢多場資格賽嘅話，剩低兩輪比賽仍然唔可以放軟手腳。對手侯斯頓戴拿模落後東岸排第五嘅哥倫布機員七分，肯定無法打入季後賽，基本上已提早收咧，戰意存疑，平手盤必捧客軍。
利伯泰迪主場硬淨受讓筍

另外兩關賽事，西班牙盃第三圈拉斯彭馬斯主場鬥紐文西亞，紐文西亞兩連敗兼冇入波，作客惡唔出樣，捧主W。最後南球盃十六強首回合巴拉圭利伯泰迪主場鬥阿根廷河床，利伯泰迪近十場主場不敗，今場有得受讓值得捧場。