ＰＳＧ腳軟吹細風

猪拉多纳

伊巴未必出 難炒朗斯

今日法甲獨腳戲，朗斯對巴黎聖日耳門（ＰＳＧ），依家喺聯賽榜排尾三嘅朗斯唔單止實力同ＰＳＧ爭幾條街，今場更連地利都冇埋，場波會喺巴黎法國球場舉行，ＰＳＧ對住頹勢嘅朗斯勝算甚高，但考慮到球隊受國際賽後遺症影響，靈魂人物伊巴謙莫域又上陣成疑，捧細盤更啱數！

（TVB 302周六凌晨2時30分直播）

朗斯今季會有3場賽事喺巴黎法國球場踢，包括今場對ＰＳＧ，雖然佢哋近況唔掂，對上4場聯賽輸咗3場，不過佢哋唔係輸防守，而係輸進攻，呢4場有3場都係錄得零入球，相信今場都會類似。國際賽期向來係豪門噩夢，一班國腳返到球會唔係傷就係殘，所以大家唔好望ＰＳＧ大炒一場，再加上球隊有中場莫達同「戰神」伊巴謙莫域上陣成疑，前者可以由卡比耶頂上，不過就冇人代替到「戰神」，另一箭頭卡雲尼今季又唔爭氣，至今踢咗12場正式賽事只入咗4球，搞到ＰＳＧ今季攻力下降，ＰＳＧ即使贏到頂多都係小勝。
洛達咸細咸美頓Ｗ過關佳品

阿King再講多兩關賽事，英冠升班球隊洛達咸主場迎戰列斯聯，洛達咸攻力疲弱，今場仲要有主力射手比治奧因傷缺陣，細盤咪走雞。最後蘇超賽事，咸美頓主場對鴨巴甸，客隊陣中傷兵滿營，中場賴恩積克、後衞奇勒羅拔臣同羅素安達臣均上陣成疑，主Ｗ值博。