今晚熱捧曼城細

猪拉多纳

歐聯告急忍手唔攻

經過一輪國際賽後，英超今晚戰火重燃，早場更有勁爆戲碼，由衞冕嘅曼城主場迎戰熱刺。「藍月亮」雖實力強橫，但多名猛將啱啱踢完太公波人人弗到爆，下周中又有歐聯生死戰，出線形勢告急下難免會有所保留，熱刺攻擊力麻麻，作客「藍月亮」必穩陣行先唔敢冒進，斯維認為細盤有買趁早。

（now 621周六晚7時45分直播）
國際賽後群星攰爆

「藍月亮」曼城陣中星光熠熠，陣中大部分都係國腳級人馬，每逢國際賽日幾乎都要全勤去踢太公波，除咗高柏尼同迪斯高剛喺歐國外比利時對波斯尼亞「化友為敵」外，赫特、大衞施華、占士米拿亦要為國效命，阿根廷國腳阿古路、薩巴列達、迪米捷利斯更加遠赴北京同香港踢兩場無關痛癢嘅熱身賽，連中場核心耶耶托尼都可能趕唔切今仗披甲，佢哋話唔攰你都唔信喇！

預計主帥比歷連尼會畀部分主力休息。最重要係曼城喺下周中歐聯分組賽作客莫斯科中央陸軍，由於佢哋兩戰僅得1分，出線形勢嚴峻，唔想提早喺分組賽玩完，對住中央陸軍實搏甩髀搶晒3分。始終聯賽仍然漫漫長路，權衡輕重下，比歷連尼現時必以歐聯為重，今仗對熱刺稍稍留力，亦屬人之常情。
熱刺前線火力不足

其實熱刺都有唔少球員踢完國際賽，而且經過季初「小陽春」後明顯跌Watt，佢哋最大問題係鋒線火力不足，齋計聯賽，只得今仗倒戈嘅艾迪巴約入過一粒咁大把，其他前鋒如蘇爾達杜、哈利卡尼及基斯頓施巴路斯都未開齋，無疑增加咗中場基斯甸艾歷臣、查迪尼等後上埋門嘅負擔，難怪該隊踢咗7場聯賽入得9粒咁少啦！

況且熱刺近4次作客曼城都輸波收場，既然攻力欠銳，佢哋惟有先做好防守，從近6仗有5場開細確係頂得兩嘴，隨時與疲兵兼有後顧嘅「藍月亮」鬥拉布，唔慌多波入，轉玩入球細好過。

(六)9 大宮松鼠 Vs FC東京

松鼠鬥東京主場勢危

．大宮松鼠和FC東京過去10次於聯賽及盃賽交手全開客W，除松鼠於2013年聯賽次循環攻入2球輸2比5，其餘9次主隊全部食蛋。

(六)38 白禮頓 Vs 米杜士堡

白禮頓英冠和和專家

．白禮頓近4場英冠全部打和，半全場均開「和和」。米杜士堡今季作客聯賽從未試過半場落後，5戰開出3次半場和及兩次半場勝。

(六)80 梅斯 Vs 雷恩

梅斯主場勁下半場特醒

．梅斯今季4場主場聯賽從未輸過，而且全部開出「半場和」，當中3場能於下半場入波，全取3分。

(六)88 NAC Vs 海牙

NAC近3場全部大手交易

．NAC對上3場比賽總入球開出「7+」，最近一場聯賽以「1比6」不敵荷華高斯，海牙對上一場亦以同樣比數不敵維迪斯。

(六)103 明尼路 Vs 查比高恩斯

查比高恩斯旺半場勝

．查比高恩斯近5場聯賽上半場都能領先，今季首循環主場對明尼路，查比高恩斯半場亦能領先1比0，惜最終打和1比1。