流浪者分心亞冠決賽 FC悉尼平手抵玩

猪拉多纳

澳職今日會上演「悉尼打吡」，由FC悉尼主場對亞冠盃決賽隊伍西悉尼流浪者，呢兩隊「悉尼兵」喺開鑼日都贏唔出，不過FC悉尼表現其實都算對辦，加上今場仲有幾名主將復出，對住要分心下個禮拜六踢亞冠盃決賽嘅西悉尼流浪者，平手盤一於撐2.06倍FC悉尼勝。

（有線64及203周六下午4:30直播）

FC悉尼上場以1:1同由韋拿領軍嘅墨爾本城打成平手，雖然一開咧就失分，但勝在今場有好消息，「王牌」球星奧地利前鋒真高已經可以披甲上陣，由佢配合啱啱好番復出嘅新西蘭射手史美斯，或者會搞到上場有「士哥」嘅哥利加美路隨時冇咗個正選！喺人腳充足之下，FC悉尼絕對有力發圍，教練艾萊特賽前仲大玩心理戰，話對手流浪者班球員殺入亞冠盃決賽，好難唔分心咁話，擺明係向對方施壓啦！

流浪者喺開鑼戰輸波後騰晒雞，據聞兩個新簽嘅球員都「拿拿臨」被派正選落場。由於箭頭杜米祖歷受傷，就算前鋒路卡維斯亞剛啱喺周三先至報名，另一新兵杜普史丹利喺周四晚先至由中東歸隊，教練普波域喺無辦法底下都要兵行險着。再者，流浪者上場後防狂失咗4球畀墨爾本勝利，手球又輸12碼、守唔到罰球、自殺式交波、盯人失誤……乜都有，一籮籮不安因素，試問呢場憑乜嘢可以反彈呢？

頂占筍盤：FC悉尼 （平手）