布洛馬波卡納 黑氣纏身冇晒Heart

猪拉多纳

今季瑞典超仲有三輪賽事收咧，其中包尾大幡布洛馬波卡納日前收到壞消息，隊長沙格斯唐日前不敵癌魔逝世，終年僅33歲。呢名瑞典後衞喺今年八月因出現頭痛同惡心而去求醫，結果驗出有腦腫瘤，過咗兩個月就離開人世，真係人生無常。本來布洛馬波卡納已經鐵定降班，餘下呢幾場屬例行公事，如今更收到呢個慘痛消息，勢必進一步打擊球員士氣，球隊今晚會喺中立場斯德哥爾摩電訊球場對力爭攞歐霸盃入場券嘅AIK蘇納，無論實力定戰意都不及對方，讓球客勝值得捧場。

（周日晚11時30分開賽）