巴甲：前鋒死火費古倫斯頹「細」

猪拉多纳

（日）51費古倫斯 Vs 哥列迪巴

聽朝巴甲上演護級大戰，費古倫斯主場迎戰哥列迪巴，吼實1.52倍入球細。揸住32分喺手嘅費古倫斯，至今未脫離降班危機，不過佢哋近況回落，聯賽連輸3場只入1球，三大箭頭基利天奴、愛華度士提同馬卡奧齊齊啞火，中場猛將祖雲尼奧古士圖又要坐波監，冇埋佢幫手鋪橋搭路做波，今場想入到波都幾難。

（開賽時間︰周一凌晨2:00）

另邊廂，哥列迪巴雖然喺聯賽榜墊底，作客戰績又差到爆，但每次硬撼中下游球隊都鮮有大敗，由排喺第11位嘅利斯菲體育會計起，哥列迪巴有冇分落袋都好，全部成功開晒「細」。況且中堅威靈頓蘇沙抖咗成個月後強勢復出，進一步鞏固防線，就算冇贏波本錢，但要頂住火力減弱嘅費古倫斯，唔難啫！