澳職：韋拿擔正墨爾本城讓得起

猪拉多纳

（日）6墨爾本城 Vs 紐卡素噴射機

墨爾本城今日喺澳職主場對紐卡素噴射機，讓半一都要捧！因為墨爾本城教練施基普決定，安排上星期首次上陣即入波嘅射手韋拿打正選，加埋中場有杜夫同高倫壓陣，噴射機未夾熟好難惡得出。

（開賽時間：周日中午12:00）

上星期墨爾本城作客以1:1逼和FC悉尼，韋拿後備落場18分鐘就入波，證明佢喺澳職超晒班。加上高倫傷愈可以登場，配合埋杜夫真係好難擋，特別係噴射機將阿當泰加特賣到富咸後，大換血搞到前線冇晒重心，新加盟嘅艾臣蒙達路似乎得個衝字，要唔過喎！