阿仙奴 安德列治射手大鬥法

猪拉多纳

歐聯分組賽今晚又有好戲直播，由安德列治主場對阿仙奴。今季兵工廠又再撻唔着，搞到領隊雲格再次出現信任危機，甚至被英國傳媒寸佢，點樣可以教到班波唔鍾意起腳射門，咁冇面，今場梗要落柯打踢進取啲開入球騷，玩1.68倍入球大比較實際！

（有線64及203周四凌晨2:45直播）
安德列治射手質高

現時安德列治喺比甲位列榜首，雖然佢哋近況就好差，不過話分兩頭，其實佢哋有唔少高質素攻擊球員，除咗新簽入既波圖中場迪科亞，留隊嘅射手馬迪亞斯蘇亞雷斯同米卓域克都有好高能力值，即使開季前有射手馬保卡尼被賣到基輔戴拿模都唔怕。
兵工廠2件守將養傷

事實上，安德列治喺上場分組賽主場對多蒙特都夠膽搶攻，證明佢哋對自己嘅攻擊力好有信心，即使最後淨吞3蛋，相信都唔怕影響佢哋今仗入波嘅決心。唔好忘記，兵工廠有中堅哥斯尼同右閘迪保治2個防線正選養傷，而且對上9場比賽得1場保持清白咋！

失波多，自然要入多兩球補數啦，對上6場阿仙奴有4場開入球大，當中新加盟嘅前鋒韋碧克更加勁入5球，不過英國傳媒依然恥笑領隊雲格，羅列出12宗大罪挑機，當中包括為乜成日傷兵滿營，同埋球員係咪有起腳厭倦症，呢場唔嗌球員鬥攻點得呀？