肯薩斯作客歎細界

猪拉多纳

印印腳等和波出線

今晚雖然有好多場歐霸盃上演，但阿King睇中咗聽朝場中冠盃分組賽B組最後一輪賽事，由哥斯達黎加球隊薩普里沙對美職球隊肯薩斯體育會。肯薩斯體育會形勢上今仗只要和波就可以取得出線席位，根本唔使搏；薩普里沙雖然要贏波先可以出線，但今仗移師中立場踢始終打咗折扣，阿King認為今仗唔會多入波，細盤屬不二之選！

（周五早上10時開賽，馬會網上文字直播）

中冠盃B組現時嘅形勢係榜首嘅肯薩斯體育會有七分在手，排第二嘅薩普里沙揸住四分，榜尾嘅皇家艾斯迪利只得兩分而且已完成所有賽事，所以篤定出局。薩普里沙今仗對肯薩斯體育會係明副其實嘅「生死戰」，形勢上薩普里沙一定要贏波才有機會出線，反而肯薩斯體育會只需一分就可以攞到出線資格，所以今仗未必會搏盡。
薩普里沙實力差一截

薩普里沙踢呢場波之前雖已取得五連勝，但所贏嘅對手皆屬當地球隊，實力難與今仗對手肯薩斯體育會相提並論。至於肯薩斯體育會日前聯賽作客雖輸波，但球隊喺該仗未有精銳盡出，中場格拉咸素斯及東尼洛迪古斯皆休戰，主力射手當姆戴亞亦未有踢足全場，似乎係為今仗留力。由於肯薩斯體育會只需和波即可出線，今仗大有可能踢守勢波，薩普里沙就算強攻亦未必能射破對手大門，阿King預計今仗唔會多入波，捧細盤！

至於南球盃十六強次回合，巴拉圭球隊卡比亞塔上仗全因小保加後衞馬加蘭擺烏龍先贏到波，今仗更有前鋒盧卡斯查維斯及中場艾雲梅薩因傷無法候命。小保加雖仍有後衞古勒莫貝迪素及丹尼爾戴亞斯因傷難以候命，但球隊近五仗取得三勝一和一負，今仗為求出線一定會全力爭勝，小讓平半捧上盤。

（周五早上8時15分開賽，馬會網上文字直播）

歐霸明斯克戴拿模喺對上兩場歐霸盃竟然失咗九球，對手甘崗近五仗作客亦有四場開大盤，今仗造訪白俄羅斯相信入波唔會少，捧大盤！