(六)1 西悉尼流浪者 Vs 希拉爾

猪拉多纳

亞洲聯賽冠軍盃今午上演決賽首回合，澳職西悉尼流浪者主場先鬥沙特阿拉伯希拉爾。西悉尼流浪者於澳職連輸兩場，表現上嚟睇狀態一般，不過佢哋開季前已率先打入亞冠盃決賽，唔排除有留力之嫌。前鋒主力杜米祖歷已經傷愈，配合近兩場都有士哥嘅馬克布歷治，就算前荷蘭國腳卡斯迪倫唔符合上陣資格都維持一定攻力，希拉爾射手艾森拉利於今屆亞冠盃已攻入10球，其前線拍檔來自巴西嘅堤亞高尼維斯亦有卡士，2.5倍大盤具分頭值博。

（now 671周六下午4時30分直播）