西維爾回馬槍發維

猪拉多纳

無心歐霸 聯賽爭Big4

呢個周末好波連場，除咗今朝打完嘅西班牙國家打吡之外，今晚亦有英超「曼車」之爭，無論係睇波嘅粉絲定投X者，都會將焦點放晒喺呢啲「吸睛」賽事，其中曼聯主場讓球主客和有得受讓相當吸引。不過肥叔成日都講，呢類超級大戰臨場變數太多，往往好睇唔好賭，操盤手開盤時亦會特別小心，費事畀班大戶搵到着數，況且仲有八十幾場波去揀，當中有唔少筍貨添，好似喺西甲「二哥」西維爾主場硬撼維拉利爾值得留意。

（now 632周一凌晨2時直播）

兩軍啱啱踢完歐霸，不過命途迥異，維拉利爾大勝蘇黎世四個一皮，西維爾則作客悶和標準列治，睇落「黃色潛水艇」狀態更佳喎。但凡事唔可以只係睇表面，其實西維爾喺歐霸比起上輪聯賽對艾爾切「變晒樣」，換咗七名正選主力，包括射手卡路士巴卡及中場悍將麥比亞，擺明係為今仗留力。理由好簡單，因為歐霸收入與歐聯差廿條街，既然西維爾上屆捧過歐霸錦標，佢哋已將目標鎖定聯賽前四，力爭來屆歐聯入場券，鬥心唔使懷疑，挾住主場四連勝嘅氣勢，莊家開出西維爾讓平半兼低水，絕非無的放矢，呢個上盤值得捧場。
熱刺撻着獵殺喜鵲

同樣喺上周中歐霸奏凱嘅熱刺，今晚喺英超主場火併「喜鵲」紐卡素，後者剛喺上輪幾經辛苦先至開齋，表現唔算標青，相反熱刺新星哈利卡尼非常Sharp醒，喺歐霸大勝卓普利斯之役更連中三元，莊家開出熱刺讓到半一咁辣唔係冇原因，呢場照揀上盤。

（now 621周日晚9時30分直播）