戴拿模抖夠開山

猪拉多纳

啱啱過去嘅Super Weekend，相信各位球迷睇得勁過癮，雖然今日啲波戲碼唔強，不過一樣有投X價值，阿King就搵咗俄超嘅莫斯科戴拿模主場對魯賓卡山做膽，戴拿模上周聯賽因天氣問題而改期，令頻密賽程得以紓緩，今仗主場出擊信得過，捧主勝。（now 670周二凌晨1時30分直播）
魯賓卡山係作客蟲

莫斯科戴拿模早前喺興建中嘅新球場埋下一個時間囊，入面有球會職球員聯署寫嘅信，寄語球會未來棟樑，等佢哋50年後先拆呢封信，既然要畀未來支柱知道球會以前係點，戴拿模一班球員梗係要做番啲成績留存後世啦。戴拿模近期喺歐霸盃表現不俗，本來踢完歐霸盃就要踢番國內聯賽，賽程頻密，好彩上周聯賽對阿馬卡因球場受積雪影響被迫取消，令球員有多啲時間回一回氣。魯賓卡山作客表現不穩，喺俄超只係贏過弱旅羅斯托夫咁大把，今場主勝可以放心捧場。

另外一場俄超由卡斯洛達主場迎戰泰歷克，卡斯洛達雖然近三主場不勝，但對手都係實力球隊，包括辛尼特同愛華頓，贏唔到都叫情有可原，今場對住作客唔掂嘅泰歷克有望得勝。最後講多場瑞超，由提前奪得聯賽冠軍嘅馬模主場對已篤定降班嘅布洛馬波卡納，兩隊波實力差太遠，讓球主勝值捧。