歐霸後遺症發作！戴拿模讓「半一」撐唔過

猪拉多纳

雖然話依家球隊訓練更專業同科學化，球員比之前容易恢復體能，不過一班莫斯科戴拿模球員啱啱先搭完長途機，好難咁快調節到以百分百狀態出戰。佢哋今晚主場對住表現硬淨嘅魯賓卡山唔係咁易食，實在難讓對手半一，一於撐1.96倍下盤。

（now670周二凌晨1:30直播）

莫斯科戴拿模上周四喺歐霸盃E組比賽，幾乎橫跨差唔多成個歐洲遠征葡萄牙嘅艾斯杜尼，雖然佢哋成功贏2:1令球隊出線機會高唱入雲。不過成班球員來來回回接近飛咗接近成8,000公里，又要喺短時間內適應兩地溫差，真係鐵人都未必捱得住，個別球員今晚演出失準都唔出奇。況且中堅基斯杜化森巴今仗坐波監，隨時成為防守死穴。

另邊廂魯賓卡山走勢強勁，近5場贏4場，上仗更大數摩度維亞5:0，前鋒卡路士伊度亞度連續2場有進帳，配合刑滿復出嘅中場佐基夫，強陣出戰下的確有力一拚。而且正在急於搵贊助集資擴軍嘅魯賓卡山，近6次作客戴拿模只係輸過1次，擺明係有啲計，既然佢哋今次受讓梗係要支持喇。