紅軍鬥史雲斯首選細盤

猪拉多纳

16強唯一一場全英超對碰係由利物浦主場撼「天鵝」史雲斯。自「咬人蘇」蘇亞雷斯離隊及射手史杜列治一傷再傷後，紅軍就冇一個靠得住嘅數胡人物，「敗家仔」巴洛迪利連場失機遭利迷圍插，波連尼及老將列基林拔亦腳風唔順，經常要翼鋒史達寧同菲臘比古天奴靠打反擊單打獨鬥搵機會，咁嘅進攻模式擺明唔掂，至於史雲斯出晒名係英超技術流，不斷利用搓波消耗對手體力，確保控球在腳令敵方難打反擊之餘，睇準機會先作出致命一擊，因此佢哋入波貴精不貴多，撞正紅軍又攻力疲弱，今仗唔慌多波入，細盤值博。

（周三凌晨4時開賽，馬會網上文字直播）