(六)25 莫斯科中央陸軍 Vs 辛尼特

猪拉多纳

俄超榜首大戰由排第2嘅莫斯科中央陸軍主場對「一哥」辛尼特，兩軍現時喺歐聯分組賽成績未如理想，下周中嘅歐聯賽事一定要贏波先有機會爭取出線資格，今場榜首大戰未必會全力去盡。中央陸軍今仗雖有中場拉斯慕斯伊姆、前鋒彭真高及域天奴因傷缺陣，但球隊近期表現唔錯，周中嘅俄盃更輕鬆贏波晉級。相反辛尼特剛喺周中俄盃面對包尾大幡圖拉兵工廠，喺領先兩球下竟然被追平並喺加時階段輸埋，球隊近況麻麻加上心繫下周歐聯賽事，今仗作客相信讓唔起中央陸軍。

（now 670周六晚9時直播）