(六)8 珀斯光輝 Vs 紐卡素噴射機

猪拉多纳

珀斯光輝上場聯賽輸波，明顯係因為留力踢上周中嘅澳足盃8強戰，結果佢哋喺加時擊敗墨爾本勝利晉級。光輝嗰場波雖然要踢到加時先晉級，但部分主力如靴斯、李察加西亞同羅斯頓格菲斯都冇打足百二分鐘，體力消耗相信唔係咁大。光輝今仗雖有中場薩哥維治、薛尼摩拉利斯、哈利奧拜恩及前鋒夏朗特缺陣，但喺主場面對今季踢咗3場作客賽事都輸晒，聯賽仲未開齋而且有中場施利斯基、祖舒巴里斯、米治谷巴及後衞馬達斯治缺陣嘅紐卡素噴射機，相信可以輕鬆取勝。

（有線64及203台周六下午4時30分直播）