西維爾實而不華受讓筍

猪拉多纳

畢爾包出戰歐聯前例失分

肥叔尋日講過西維爾係今季西甲一大驚喜，目前同巴塞、皇馬鼎足而立，打起晒信心同士氣。與此同時，肥叔一直反畢爾包，睇死佢哋無力兼顧聯賽及歐聯兩大戰線。的而且確，畢爾包今季出戰歐聯前例失分，嚟緊周中歐聯，佢哋將惡鬥波圖，恐怕又再顧此失彼。畢爾包今晚西甲主場仲要讓西維爾平半，必撐客軍下盤。

（now632周日晚7時直播）

西維爾財力麻麻，但勝在識執靚貨，搵到唔少實而不華嘅球員，包括借用巴塞小將丹尼斯蘇亞雷斯。呢位20歲後生仔盤扭技術出眾，為球隊中場注入活力，加上卡路士巴卡、班尼加等實幹型球員，發揮出整體戰優勢。由於西甲一向被巴塞、皇馬壟斷，其他球隊畀人印象往往低一班波，即使西維爾亦被低估，有得受讓，值得跟進。
哈化搏殘醒柏達邦

畢爾包上仗小勝另一支下游球隊艾美利亞，結束連續9場不勝，實在不足為據，佢哋已沉寂一段時間，並非短期內可以翻身。事實上，只要畢爾包仍然要兼顧歐聯，都難走出困局，可以繼續反。另外，德甲柏達邦主場對哈化柏林，客軍剛於上周中德國盃踢足120分，最後更互射12碼敗陣，體力消耗大，亦非常洩氣，平手盤要柏達邦。

至於英超矚目大戰，曼城主場對曼聯，打吡戰雙方都會特別落力求勝，曼聯攻強守弱特點非常明顯，最好要入球大。

大戶動向

肥叔縱橫足球菠菜界多年，先鋒地位誰可代替？更摸清各路大戶投X取向，市場動態盡掌握！