巴希亞冇料讓唔起彭美

猪拉多纳

巴甲 6:00 （日）66 巴希亞 Vs 彭美拉斯

聽朝巴甲護級戲碼，巴希亞迎戰彭美拉斯，捧1.7倍「讓客」。巴希亞排聯賽榜尾二，如果喺呢場「六分波」擊敗彭美拉斯嘅話，就能夠為護級帶來一線曙光，可惜呢班波踢落全無起色，最近6場聯賽2和4負未贏過，似乎有啲未夠班，今場仲有守將迪馬臣坐波監，根本捧唔落手。
彭美拉斯 有盧斯奧壓陣

另邊廂嘅彭美拉斯，距離降班區域只有3分之差，仲未完全上晒岸，但佢哋勝在識得喺降班危機殺到埋身嗰陣發奮，近6戰搶到14分，當中兩場作客波除咗擊敗另一護級分子保地花高，仲成功摸和「一哥」高士路，即使前線荷西漢歷基缺陣令鋒力減弱，但後防主力、巴西名將盧斯奧可以披甲，今場要頂住對手相信唔係咩難事。