最強皇馬再炒紅軍

猪拉多纳

肥安勝率史上No.1

歐聯分組賽第4輪賽事繼續有好戲，皇家馬德里今晚喺B組主場對利物浦，贏波就4戰全勝提早出線。西班牙傳媒仲發現，安察洛堤已經成為皇馬近104年以來，得勝率最高教頭，加埋王牌之一嘅加里夫巴利傷愈復出，梗係要揀「-2」嘅2.38倍「讓球主勝」。

（有線61及201、中央5台周三凌晨3:45直播）

皇馬日前喺西甲作客以4:0掃低CF格蘭納達，連贏11場，距離莫連奴時代嘅球會紀錄15連勝仲差4場，不過安察洛堤上任後領軍76場有58勝9和9負，得勝率達到76%，屬於皇馬參加全國級賽事104年以來，得勝率最高教頭，最近佢撐C朗冧莊國際足協金球獎，不惜同歐洲足協會長柏天尼開火，C朗當然心甘命底賣命啦！
銀河艦隊11連勝 安帥勝率76%

此外，原本畀人鬧嘅賓施馬擺脫敗家形象，對上4場入4球、交出6次助攻，而且09年加盟後，近5年助攻次數同巴塞嘅恩尼斯達一樣係40次，成為皇馬福星之一。當然唔可以唔提曾被人質疑嘅占士洛迪古斯，上場梅開二度後加盟後有6個入球、6次助攻，陣中球星輪流着火，你仲敢話肥安冇料到？唔怪得尋晚有消息話，皇馬有意同安帥續約至2017或18年啦。
巴神繼續死火 利記有鍊車顧慮

相反利物浦就慘啦，蘇亞雷斯離隊同史杜列治養傷，搞到佢哋近排前線死火。最慘係新買入嘅巴洛迪利，重返英超完全冇料到，加盟至今得2個入球，而且經常响龍門口至嚟敗家，簡直連二打六前鋒都不如。仲有呀，紅軍緊接要喺聯賽主場對車路士，硬仗連場對佢哋更加不利，首循環淨吞皇馬3蛋嘅場面隨時重現。
盤路解碼

皇馬今季「-2」盤路6勝1和1負。
Data King：紅軍4戰3食白果

‧皇馬過去喺主場對英格蘭球隊有6勝5和2負。

‧皇馬連續18場歐聯主場不敗，取得16勝2和。

‧利物浦以往作客西班牙球隊得7勝4和3負。

‧紅軍近4場有3次冇波入。
乜都玩錦囊：利記半場死火捧皇馬「半W」

假如大家怕皇馬開唔出「讓球主勝」，就不妨考慮吓佢哋嘅1.5倍半場勝，因為利物浦最近受到巴洛迪利信心全失拖累，上半場幾乎完全唔識入波，對上8場有7次上半場冇波入。既然首循環利物浦主場對皇馬，上半場已經落後0:3，睇怕今場都好難有運行。