標準列治征西吼細

猪拉多纳

歐霸盃G組西甲西維爾主場迎戰比甲標準列治，兩軍目前排喺呢組頭兩位，西維爾主場出擊備受熱捧，但客軍換帥後有飛躍進步，尤其防線脫胎換骨，士氣如虹下今晚強勢作客，有信心頂住西維爾進襲，Anton估計今仗入球唔會多，入球細有2.4倍好分頭博得過。

（周五凌晨4時05分開賽）

標準列治季前失血多，球隊焗住起用大批新秀，開咧後表現甚差，喺十月初畀布魯日大炒3蛋後，會方決定換帥，炒咗原有教練盧辛，由懂得多國語言嘅助教禾高文洛域頂上，呢位臨時主帥兩周前上任第一場就喺歐霸盃主場迎戰西維爾，結果踢成0比0平手，跟住球隊竟然喺比甲取得三連勝兼全部零封對手，包括作客以2比0擊敗班霸安德列治，換言之上任至今四場比賽，標準列治都保持不失。

禾高文洛域除咗提高防線紀律同組織外，亦大膽將狀態欠佳嘅日本國家隊門將川島永嗣打入冷宮，改由杜林把關，結果呢位副選門將憑優異表現，至今保持清白之身，球隊目前氣勢如虹，今晚作客西班牙絕對唔會束手就擒。
西維爾鋒線欠銳

西維爾今季成績唔曳，但攻力唔算太強，至今喺西甲雖然排第五位，但10戰只入17球，佢哋啱啱喺聯賽以0比1不敵畢爾包，前線諸將發揮並唔理想，呢班波雖然向來都重視歐霸盃，但兩周前作客比利時都玩輪換，收起多名主力，明顯睇唔起對手，今晚主場出擊預期會用番較強陣容，但面對已經踢起信心嘅標準列治未必可以大炒對手，Anton建議冷敲入球細。

Anton

全名：Antonio Barzzani

國籍：比利時

俄羅斯出生，少時已移居比利時，除對該兩國足球最為熟悉，目前仍是大學生，並於著名足球資訊網站bettingadvice.com及betswelike.com擔任兼職球評人。