派副選夠贏！熱刺讓半一唔離「普」

猪拉多纳

歐霸盃分組賽今晚有唔少直播戲碼，卓普利斯喺C組主場對熱刺，受讓半一都要唔過，首先卓普利斯喺首循環以1:5慘敗，其次熱刺新星哈利卡尼近排極速上位，仲喺上次對賽大演帽子戲法，信熱刺就要撐佢1.82倍上盤！

（有線61及201周五凌晨2:00直播）
哈利卡尼狀態弗

現時熱刺3戰得5分，為爭出線唔可以放軟手腳，雖然佢哋嘅領隊普捷天奴，習慣喺歐霸盃用副選陣容，不過咁可能仲易贏，因為21歲新星哈利卡尼今季已經入左9球，包括熱刺日前喺英超作客以2:1反勝阿士東維拉，後備入替完場前攻入絕殺入球，隊友查迪尼甚至撐佢應該入選英格蘭國家隊添。

咪以為哈利卡尼淨係識做後備殺手喎，佢喺兩個星期前對卓普利斯，就打正選連中三元，加上其他副選例如拉美拿同安祖斯唐辛都要爭取表現，就算門將洛里斯停賽都唔怕，特別係希臘嘅卓普利斯，陣中嘅外援來自好多國家，士氣同默契都好差下，齋靠近排嘅主場不敗走勢，好難頂得住唔輸。

歐霸盃C組