財駿福星長好過短

不死鸟

姚?目前多達60駒，來季不愁冇兵用，但新馬太多，訓練需要時間，例如馬房團體馬K315「財駿福星」（下圖），去季3月開操，到6月中從未間斷過，期間試過3個大閘，進度來得比較慢，走勢無甚瞄頭，最終無上陣，留待新一季才亮相。
「財駿福星」響新西蘭上陣7次，枕住跑1200、1400米限於上名，後來增程至1600米終於開齋，網上睇片，匹馬大步靠檻，跑長好過跑短，而且一直戴開眼罩或面箍上陣，表現亦唔算規矩，反映脾性仍有待改善，展望有一定進步空間。血緣方面，出自我們相當熟悉?Keeper，同父馬「好日子」贏到1800米，大部份擅長一哩，如「紅跑車」、「好兄弟」及「重量級」，而且一般到4歲才大熟。母系源自Kaapstad，半兄弟曾勝1600米，「財駿福星」外地3歲贏同程，來季踏入4歲甚至可扳上1800、2000米發展，目前評65分唔會蝕底，惟大馬會慢熱多少，需要透過實戰來提升狀態，初期上陣可留意走勢，進度一旦納入正軌，出戰3班合適路程，藉着輕磅優勢可施突襲。