決賽唔敢亂搏！三箭飛腳踢守「細」波

猪拉多纳

日聯盃決賽喺琦玉2002體育場進行，廣島三箭今日對大阪飛腳，不如信往績玩入球細。假如以90分鐘計，對上10屆決賽得1次開入球大，而且飛腳教練長谷川健太已爆響口會排3個防守中場，阻止廣島射手佐藤壽人破日聯盃入球紀錄，玩1.72倍入球細啱數！
飛腳講明唔會攻

除咗2010年例外，對上10屆日聯盃有9次開入球細，而且飛腳教練長谷川健太對冠軍勁緊張，賽前已講明唔會喪攻，相反會安排最近坐冷板嘅二川孝廣上陣，實行用3個防守中場同對手鬥搶，況且佢哋嘅射手安達臣柏德列同宇佐美貴史近排腳風回落，真係未必開到入球騷。

事實上，廣島射手佐藤壽人喺4強首回合對柏雷素爾梅開二度後，已經喺日聯盃累積26個入球，再入1球，就可以超越中山雅史同祖尼奴，獨自成為日聯盃史上入球最多球員，又難怪飛腳咁怕佢。只不過，現時廣島都有中場米傑治同森崎浩司有傷，後衞邊峻範直頭要養傷個半月唔踢得，隊波未必谷得起，玩入球細好過啦！
（六）1 廣島三箭 Vs 大阪飛腳